لا تعاتبي هالقلب
لا تعاتبي هالقلب و حالو تسألي
و لا تسألي اديش بدموعو غلي
لو تعرفي اديش بالدقة انكسر
نبضو انعمى بالويل و نشد الوتر
يعصر حنين الليل و دماتو عصر
قلبي قلب انسان مش لكي إلي
و لا تسألي اديش بدموعو غلي
لو تعرفي اديش بالدقة انكسر
نبضو انعمى بالويل و نشد الوتر
يعصر حنين الليل و دماتو عصر
قلبي قلب انسان مش لكي إلي
كم الورد عطشان نديانو قطر
فات الربيع و هلّ صيف المرحلة
طلّ الخريف و فلّ فصل المنتظر
صار القمر دبلان هيك بترحلي؟
فات الربيع و هلّ صيف المرحلة
طلّ الخريف و فلّ فصل المنتظر
صار القمر دبلان هيك بترحلي؟
نبع العشق جفيان ظمآن المطر
دمعة وفا عشقان عفرانو جلي
نور الدفا طفيان بعتامو انغمر
بردان صار النوم هلكان البلي
دمعة وفا عشقان عفرانو جلي
نور الدفا طفيان بعتامو انغمر
بردان صار النوم هلكان البلي
لا تسألي معليش ع سكوت الحجر
ونّ الضجر هربان بالرمل جبلي
الشوك بحفا مشيان تالجرح انشطر
سالت حنايا الروح يا روحي سألي
ونّ الضجر هربان بالرمل جبلي
الشوك بحفا مشيان تالجرح انشطر
سالت حنايا الروح يا روحي سألي
رامز عيد
٢٣/٠٩/٢٠١٦
٢٣/٠٩/٢٠١٦
وافر التقدير و فائق الاحترام و جزيل الشكر لمجلة نبرة قلم على نشر شعري المتواضع في صفحاتها الراقية و اخص بالشكر و التقدير الاستاذ المميز حاتم متولي
ردحذف