((( انت)))
انت الموضوع
انت الانسان الموجوع
بتقاوم الجوع.....وتتالم
وبلاش تتكلم.....
ولا تحكى فى يوم
عن وجعك
ولا حتى تقول
وبتزرع فى الارض البور
وبتجنى الحنضل
على طول
وتقول انا هكبر واثور
واعدى الصعب لو حتى
بحور
وتولع نار وتعيش فى
شرار
وقبل ماتجنى اللى بنيته
بيجى الغول
وبيقضى على كل الافكار
ويولع فى الدنيا النار
ولا تقدر تانى تتغير
انت الانسان المقهور
والظلم بحور
وبتغرق جواه على طول
ولا تلقى الشط ولا المرسى
مطحون فى الدايره المقفوله
ولا لاقى اللقمه ولا الهدمه
ملعونه الحوجه
وسنينها
بقلمى/ مايسه العشى
بقلمى/ مايسه العشى
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور