زقاق وحاره
=========== عونى هشام
كل ابواب الحاره عارفها
وكل زقاق له قصه معانا
اطفال تجرى اليوم على عيشها
وناس تحسبها فى الزنزانه
ناس بتلم غموسها فى جوعها
وناس. م القهر تبات شبعانه
ناس فى الهم تلم نقوطعا
وناس بشبعها تحس جعانه
بترمى زباله. تأكل ١٠٠
تسأله حاجه يرد اهانه
ناس فى العالى. كتير. وياها
وناس فى الطل تبات متهانه
واحده تصلى. كل فروضها
وتانيه محزق او بلبانه
حاره يا صاحبى ابوابها كتير
واكبر. واحد نفسه. اعانه
سألت انا واحد فيهم مره
قال. لى يا شاعر ناس تعبانه
ناس بتحج وناس بتهج
وناس مش قادره تعيش عيانه
ناس بتحب ظهور. الشهره
ويمكن . تسهر فى الكرخانه
وناس بغناها. تعمل. سهره
وعلف المهره يكفى غدانا
طبق الفول حواليه ياجى خمسه
وحته بخمسه. ماتبقى معانا
ناس تتحسبن ناس تتغلبن
وناس الفُجر . بتاعها. عمانا
تحكى. لمين عرفنى يا شاعر
قوانين ماشية تاهت. بعشانا
نقول يا حكومه. شويه. مشاعر
والله. الجوع. والفقر عمانا
ربى خلقنا احنا ولاد تسعه
وناس سعيها كله على قفانا
نفسى. ضميرنا يعود لنا تانى
ساعتها الجوع يهرب لو جانا
نفسى نعيش بايمانا ودينا
من غير فتوى تشق هوانا
بلدنا عظيمه بقوتها. ونيلها
ليه الجوع والناس عطشانه
نبنى. مصانع نبنى مدارس
نوفر. شغله. لايد عطلانه
نفسى شبابنا يكون يوم فارس
يبقى. حامينا . وهو. غطانا
عايزين حكمه اليوم مش بكرا
نخلى ولادنا. معانا حدانا
عايزين ثوره جديده فى قلوبنا
عايزين. نِطهر من جوانا
مصر عظيمه عظيمه بناسها
فيها حياتنا فيها. دنيانا
عشنا الصعب صحيح مش هانكر
بس الخير بيلاغى هوانا
كل ابواب الحاره هافتحها
وكل. زقاق يفرح ويانا
العطشان اليوم راح يشرب
الشهد بكاس ويغنى معانا
==============
عونى هشام
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور