حصان خشب
***********
راكب حصان لكن خشب
والسكه فيها كتير عجب
أولها كان.... انسان مُهان
وتملي يشكى من التعب
شايل علي كتافه الأهات
ومكممه.... ظُلم السكات
قدام عينيه ...القطر فات
وحماره كان عود الحطب
رافع سيوفه...... م الورق
والحلم ....جواه... اتخنق
مكسوف يقول انه انسرق
والنخله مش لاقيه الرطب
والتاني ..واقف.. مطرحه
فرحان ...وجهله.. مريحه
باع اللي باقي ف مسرحه
وتملي ..زاحف ..ع الرُكب
مشتاق يدوق طعم العسل
مع إنه.... واخد ع الكسل
واللي جرا ....واللي حصل
من بين ايديه حلمه هرب
والتالت اللي ...ما همهوش
م الصوره غير حبة رتوش
فتح البيبان كده للوحوش
تنهش بريئ يوم ما انصلب
لا هان عليه... دمعة عينيه
وللا حُزن كان بيداري فيه
كل اللي همه ...تنول إيديه
أموال كتير ..صابها العَطب
راكب حصان... لكن خشب
وباألف بيه .....أرض العرب
والحلم..... أبقي .. ..عنتره
واخد بتار.... . اللي انضرب
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور