أطول نهر..... ده نهر النيل
وعليه عايش شعب أصيل
شعب بهرمه ونبله وكرمه
نور بينور...... ف القناديل
ميته....... زى الشهد مكرر
طعمها أحلي كتير م السكر
واللي يدوقها أكيد بيقرر
يرجع تاني....... لنهر النيل
نهر النيل ده اللي بيروينا
وبيطعمنا ..........ويغذينا
منه بيطرح ....خير أهلينا
ويكون لينا ..ف ليلنا دليل
أما واجبنا.. نشيله ف عينا
لجل ما وقت.. الشده يعينا
زى ما وصي..... نبينا ودينا
واللي باقي لنا.......نهر النيل
*************
رضا أبو الغيط
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور