حبيب عمري
على خدك
لقيت الورد بيفتح
وصوت قلبك
جمال النبض بيصبح
وفي عينيكي
كلام وحديت
ولما أبص في عينيكي
غرامي يزيد
يا أجمل بسمة فى الدنيا
لمحها الكون صبح مجنون
وقلبه سعيد
ولما أحس بقدومك
أقوم ملهوف على صوتك
يزيد جوايا نار شوقك
وأتمنى أعيش العمر وياكي
بحب جديد
علشانك
عشقت الحرف والكلمة
علشانك
سهرت الليل أشوف نجمة
علشانك
وصفت عيونك الحلوة
ومن غيرك ماليش لازمة
يا ليلة عيد
صلاة الزين على الخدين
غصون طارحة
وأتمنى اجبلك من النجوم طرحة
وارسم فوق عيون الشمس
مية فرحة
واخلي البدر يتمنى
صلاة العيد
تعالى نعيش أنا وأنت مع الأحلام
ونسبح في السما الصافية
وفوقها ننام
وصوت كروان بيتغني
وفرخ حمام
وشوق جوانا
واحضانا لهيبها يزيد
على مهلك
أنا عايش على أملك
وبدعي ربنا الخالق اكون سندك
وأتمنى أعيش العمر وياكي
أكون أهلك
وتجرى جوا شرياني
في كل وريد
الشاعر/ناصر عبد المقصود
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور