مركب ورق
**********
مركب ورق...... مني انسرق
والحلم خايف .......م الغرق
وانا ببن نيران كل اللي كان
محصور مابين... صبر وقلق
بَصًيت بعين........المشتاقين
تلمح إيدين....شايله الحنين
علي بر كان.......بين البينين
ما عِرفش يوم....طعم الزهق
بصيت عليه.......لأجل يناديه
صياد وكان....دَمْعُه ف عينيه
يلحق غريق....حِلمه ف إيديه
ويعيد إليه..........مركب ورق
دى المركبه.........هي اللي ليه
وشراعها كان.......كُحلة عينيه
ف زمان ماهان........أبدا عليه
ولا عمره فيه.........حس بقلق
عايش....... بيرسم....... فكرته
والفكره....... بتزيد........ قوته
والموجه ......مش.... هتموته
طول ما القلم......حاضن ورق
**************
رضا ابو الغيط
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور