((قول ياشاعر)))
قول ياشاعر قول وغنى
اعزف اللحن الحزين
علم الناي الأنين
سمعني صوتك قول كمان
غنى على العود والكمان
قول لي تاني قول كمان
إني جنة لقلب كان
في العذاب عايش وكان
قولى إني أحلى حاجة ليك
قولى انى ديما عايشه فيك
إني نسمة هادية باقية
جوه نبضك وفى عنيك
قول ياشاعر
واحكي عن كل المشاعر
من اللي فات
من حنين الذكريات
دانت عايش جوه منك
ألف شاعر ..
ألف نغمة وألف ناي
تحكي عن كل اللي جاي
قول لي قول
عن ألف ليلة وألف بكره
قول
ولا تخشى المخاطر
ولا تعمل لحد خاطر
خلي كل الشوق يسافر
يرسى على قلبي وقلبك
أوع تحبس همسة منك
بالمشاعر إنت طاير
زي عصفور دايما حزين
جوه قلب الحزن عايش
وفى أنينه كله رنين
قول لي تاني
حس أكتر بوجودي
دانا أقوى بيك ياحبى
وإنت جنبي
وإنت تتقوى بوجودي
مايسه
.
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور