يبقي إيه
لما أبص ف المرايه
حتى و أنت مش معايه
ألقى صورتي هي صورتك
المسك بإديا شوق
واحضنك واستني افوق
والعيون تحضن ضياك
قلبي مخلوق من صفاك
يبقي إيه
لما عز الليل تجيني
تبتسم تتهز عيني
اصحي من غفوة منامي
تقوللي ياقلبي احضنيني
احضنك واسرح وافكر
واحفرك ف القلب اكتر
كل لحظه فيا تكبر
يبقي إيه
لما اشوفك جوا مني
ف كل حاجه بتلازمني
لما باضحك بألقي صوتك
هو نفس الصوت ف ودني
واندهك لحظة سكوتك
تنتبه تجري تجاوبني
لما بلقاني لوحدي
جوا فيا بالتقيك
وأما احزاني تاخدني
فرحتي بتحس بيك
واسمعه قلبي يناديك
يبقي إيه
تبقي شمس ونورها باين
وللا ورد ف الجناين
وللا تبقي حروف مضيئه
وللا وهم ومش حقيقيه
وللا قوللي تبقي إيه
تبقي إيه
.
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور