((( انتِ بَحْـر )))
************
انت بحــر مـلـيـان بالعــجــايــب
يا حـبيـبتى لو بـَقـَالـى يـوم حـبـايـــب
يا اللى حُضْنِك رَدْ لِى قلبى اللى غايب
يا اللى عُمرى فى ابتسامتك تاه ودايب
انتِ ليه
انت ليه تسهـرى وتِـنـسى اللـيـالــــــى
انت ليه ما بـتـهـربـيـش مـن خـيالــــى
انت ليه تـِوْحـشينى وانت واقـفه قـبالى
((( انتِ ليل )))
**********
انت ليل مليان نجــوم ويا الـقــــمر
انت رحـمه م الاله لكل مخـْلـُوق والبـشر
يا اللى لُونك جوه قلبى أحلى من لون القمر
يا اللى هَمْسِك حَنْ لـُه نور الليالى والوتر
((( انتِ فين )))
***********
عرفينى يا حـبـيبتى فين هـمومى بتندفن
علمينى ازاى بتدفنى الهموم من غير كفن
وانت واقـفه صامـده رغـم أحــوال الزمـن
يا حبيبتى يا اللى ماهَزَّت ضفايرك المِحـن
((( انتِ أيه )))
***********
من حـــرير ولا فـــُولاز ولا دهـــــب
مَهْـمَا تـِـتهـز الليالى ما بتِهْـوِى الغـــضــب
انتِ عَـلّْمْتِى الرُخـَام وعـلمتـــى الخـشب
ازاى يمارس المشاعر والعواطف فى التعب
********
شاعر القريه
فــيـصــل بـــر
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور