طرطأ ودنك فتح عينك
كلمة هقولها أنا بيني وبينك
خدها نصيحة وإعمل بيها
قبل ماتتنيل على عينك
لو ليك لقمة في بق السبع
مد في زوره إيديك طلعها
وإن يزغرلك برضو أزغرله
وإحدفها في بقك وإبلعها
عايزك بس تعيش الحلم
يمكن حلمك يصبح علم
وألف قصة كمان وإخرجها
وإرسم نفسك بطل الفيلم
إحلم إنك بيه في مارينا
وعندك يخت في أشهر مينا
وأحلى فطار في جنينة الفيلا
وقهوة وبيتيفور في التراسينا وعندك فرسة في كل إسطبل
وكلبين بوكسر غير الشبل
قصر كلامي بقولك يعني
مسمع صيتك زي الطبل
أو إحلم إنك جنكيز خان
أو أغاخان أو م الأعيان
بس الأول لازم تحلم
إنك تبقى صحيح إنسان
بقلم طارق السيد
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور