يابنات يابنات
يابنات يابنات يابنات
يابنات حلوين شربات
يابنات ألماظ وبروبروء
وبتفتكسوا إفتكسات
يابنات طعمين طعمين
يابنات ناعمين ناعمين
مين بقى بينادي علينا
نعمين ياجميل نعمين
ياخراشي عليكو ياخراشي
وسطكو ما بيتوصاشي
لو هز الهزة يمين
أو هزة شمال ع الماشي
جرى إيه جرى إيه ياأخينا
مالك إنت ومالك بينا
خليك بس في حالك
فينا أحنا إللي مكفينا
الوز الوز الوز
المتربي على العز
لما شيطانه يوزه
على طول بيقوم ويهز
يا وز يا وز يا وز
هز وماتبطل هز
هز و بشويش بالراحة
أحسن تتلظ يا وز
والبط البط البط
بيحب العوم والعط
بلبط يا بط براحتك
بلبط بس على الشط
يا بط يا بط يا بط
بطل بقى عط و نط
خد نفسك وإهدى شوية
إهدى يا بط لا تتلط
يابنات يابنات يابنات
يابنات إختشوا يابنات
يابنات إختشوا وإتلموا
هيهيهيئ إللي إختشى مات
بقلم طارق السيد
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور