(((( دمعه ))))
على خد ابتسامه
بعنوان
(((( معلهش يا فلسطين ))))
*********************
حـَقّك علينا كلنا
وتراب نِعَال المصطفى
من يوم ما كانت رحلته
حتى النهار ده
فُوق الجبين
معلهش يا فلسطين
ظلموك ولاد الكلب
واحنا هِنا شايفين
والدُرَّه شاهد والمجازر
وكلنا شاهدين
هتكوا العروض وسط الشوارع
واحنا كمان سامعين
دَخَلُوا المساجد بالنِعال
واحنا أكيد نايمين
******
فين الشهامه يا عرب
فين دمكم يا مسلمين
دا الصَحَفى قال كلمته
جَمَّعْ عزيمته وقِوته
آخر لقاء فى دولته
وبجزمته فى وش بوش
وانتوا أكيد ياعرب ما بتختشوش
وان طلبوا منكوا نقطة دم
أكيد يا عرب ما عندكوش
*****
معلهش يا فلسطين
فين الشهامه يا عرب
فين دمكم يا مسلمين
دا الصحفى حرر كلمته
وبجـــزمتــه فى وش بوش
وانتوا أكيد ما بتشوفوش
نَفس الشجاعه فى الاعدام
أبو قـُصىِّ صدام
رافع جبينه للمشنقه
والعِشْماويه متغميين
*******
معلهش يا فلسطين
أصل احنا فضلات العرب
الناس بتطلع القمر
واحنا اللى لسه بننضرب
*****
الأُمِّى غربى كمبيوتر
والأُمى عندنا جـرب
معلهش يا فلسطين
مين اللى يـِرْؤُس البلد
وكرروها ألف مره
مين اللى يـِرْقُص: عباس وقف
وانا قلت لسه وقولى ساير
الحُرمه لما تربى طوور
ما يشيلش ناف فوق الكِتاف
والسقف دار والهتاف
آخر عجايبك يازمن
عباس هيرقُص البلد
*****
والقرود لفو اللواثى ع الكِتاف
والفَتْحَويه
وقفوا ومأمؤوا زى الخِراف
واتخن بطل فيك يا حماس
هرب وخاف
عباس سعيد
لابس جديد
واتْخَلَى عن شال العِجاف
وصوته عاد زى الحديد
وبكره عنده أحلى عيد
عباس سِخن
والسقف زاد والهتاف
عباس ها يـِرْقُص
ولسه بيهز المقْعَده
****
صرخت فلسطين الغنيه بقدسها
صرخت فلسطين الغنيه بمجدها
صرخت فلسطين
الغبيه بفتحها
لا فَتْح نافِع ولاحماس
ولاحتى ناسِك
ها تبقى زى الناس
صوتِك بِموت والرِيق نِشف
والقلب فاضل له ثوانى
ويسكن الانعاش
معلهش يا فلسطين
******
شاعر القريه
فيصل بدر
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور