إرسم
من غير ورق
من غير قلم
إرسم جروح تطلع تبوح
توصف لنا معنى الألم
إكتب حروف مَلِيها خوف
إكتب على سطر الندم
وارسم ضمير مربوط أسير
واقف على مليون لغم
وارسم وجع صوته اتمنع
خلّى السكوت هو النغم
وارسم نفوس غاوية فلوس
مَالِت تبوس أوسخ قدم
إرسم شهيد قطَعُوا لُه إِيد
عشان ف يوم مِسكت عَلَم
إرسم غريق فى بحر ضِيِق
إرسم بريء مات واتعدَم
إرسم بقى ذُل وشقى
وطفل من أمه اتحرَم
...............
سيد عبدالوهاب
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور