(( بصي يا قلبي ))
بصي يا قلبي اسمعي مني
انا مش فاهم كل كلامك
ويمكن فاهم بس غرامك
فاهم اني عايش جواكي
سابح زي الدم ف قلبك
يمكن انتي مش شيفاني
بس ضروري اكيد حساني
زي ما حبي ساكن قلبك
حبك انتي كل حياتي
عمري ف يوم ما أقدر انساكي
فين ما تروحي قلبي معاكي
مش راح افكك من جوايا
بصي يا قلبي اسمعي مني
مش راح اسيبك تبعدي عني
حتى لو انتي طلبتي ده مني
انا وياكي بدأت حياتي
من غير حبك امشي اهاتي
بهلول ضايع في الطرقات
شايل كيس مليان قصقيص
مره اعيط مره اهيص
بصي يا قلبي اسمعي مني
انتي بدايتي وانتي نهايتي
شعر
عادل زلوم
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور