سحابة صيف
أقول يمكن يكون بعدك
سحابة صيف
الاقى الجو بيضلم
وشكله مخيف
بلاش تبعد عشان خاطري
د صابني الهم من غيرك
مع التخاريف
أنا مش قادر استحمل
وشكل الدنيا من غيرك
سواد اكحل
ومين قال القمر يرحل
وهي الدنيا من غيرك
يا دوب تخاطيف
عشان خاطري
تعالى الليلة وارحمني
من الأحزان
أنا شايفك في كل مكان
عذاب الدنيا من غيرك
كما السجان
تعالى حبيبي شوف سطري
مانش قادر علي بعادك
ولا قادر علي عنادك
حرام تحرمني بفراقك
وأبني في الفراق قبري
خلاص ما عدتش استحمل
ليالي الهجر
وطول الليل وأنا صاحي
اناجي البدر
وأدعي ربنا دايما
في نور الفجر
ألاقي صورتك الحلوة
عشان خاطري
بلاش تبعد وتهجرني
أبوس إيدك لترحمني
كفاية حبيبى وانصرني
وقول للناس فداك عمري
يا أجمل حب فى الدنيا
بلاش تبعد
تعالى شوف ضلوع صدري
خلاص تعبت
ومر الهجر دوبني
وبعد حبيبى غلبني
ولو مرة اكون غلطان
تعالى حبيبى وحاسبني
وكل اللي حصل بينا
سحابة صيف وهتعدي
الشاعر /ناصر عبد المقصود
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور