وجع
-------
يا وجع الوجع
آااااااه يا أيامي
حتفضل تضرب فيا يا ألم
وتهز وجداني
جريت بعز قوتى
أتخبى ف حضن كعبتي
الله أكبر دعوتى
صحيت ف لحظة غفوتى
دمي سايح ف جلبيتي
كنت لامم عزوتي
رايح أسجد سجدتى
شياطين آدم فتحتلنا
رصاص وخانا في ظهرنا
وطاويط تمص دمنا
مساجد عامرة إتكفنت
بدمانا الطاهرة إتغسلت
أرواحنا طاهرة في السما
ملايكة جامعة زفنا
الغدر عمره مايهدنا
بلدنا ماشية في مهدها
شهادتنا ضمن مهرها
يمكن يفوق هطلانها
إن دينا دين سلام
عمره ما كان دين لئام
بنده يا وطن قوم وفوق
تاري عندك حافظه فوق
إقطع رؤوس
أفاعى محبوس
حرابي مسمومة
تلاقيها في عزومة
تغازلك ف بلكونة
تنهشك بكابوس
الله أكبر خطانا
مش حنرجع يوم ورانا
وتدنا جامد
خيمتنا قامت
رايتنا عالية
ولادنا غالية
قدمنا ثابت
-------------------- إيمان محمود
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور