ليه البراءة تتقتل
على ايدين السفاحين
ليه الطهارة تتنسف
في أي شرع وأي دين
ليه المجازر في المساجد
من الوحوش المجرمين
ليه تقتلوا الحلم الجميل
ليه تحرقوا شجر النخيل
ليه تقطفوا زهر الجناين
ليه تقلبوا الضحكة عويل
ليه تخلوا الشمس تبكي
والقمر يصبح حزين
ليه تخلوا الأرض تشرب
من دمانا وترتوي
ليه تخلوا الشمس تغرب
من سمانا وتختفي
ليه تخلوا البسمة تهرب
من شِفانا وتنزوي
يااااااااارب
فرق إلهي جمعهم
واكشف يارب سترهم
أنت سندنا وحسبنا
افضح بفضلك كيدهم
افضح بفضلك أمرهم
************************
بقلمي. أمل صلاح
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور