خارج الصندوق
------------------------
بقلم /// إيمان محمود
عشت عمرى حبسه جوه صندوق
صندوق معشش جهل
ومظاهر ماشية بالمقلوب
شبابي بيموت يا اخونا
نفسي أخرج بره مخنوق
قالوا العمل عبادة
يافطة على الحيطة
وكراسة المجهود
خلصت جامعتى أنا
حاطت شهادة في شنطتي
أبويا زرغت وقتها
واهو قاعد مهموم
قال إيه مهندس
والثانى دكتور
والثالث أخدها من آخرها
أخد دبلوم
كله محصل يا سيادنا
قاعد في البدروم
حبيبتي وصاحبتي الغالية
كانت خلاص حتروح
كسرت سجني أنا
خرجت بره الصندوق
أخدت عجلة عمنا
وإستلفت حق صندوق
عملت مشروعي أنا
على قد إيدى مظبوط
جريت بسرعة على مهجتى
أبوها طلع موزون
قالي يابني ده شرف
إنك خرجت بره الصندوق
بنتى أهيه يا ولد جنبك سند
اللي بدأ من غير خجل
بكرة يبقى فوق
ماهو قرش على قرش
العداد ماشي بيلف
بدل ماتقعد على الناصية
والصحة قاعدة بترف
ياااااااااااااااااه
يا أبو الحبيبة
إنت مثل لازم يلف
لازم جيرنا يعرفوا
إن العمل عمره مايقل
عادات قديمة معدمة
إن البنية بختها ما عاد يقل
عن دكتور وظابط
وإن جه محاسب يبقى معلش
صندوق وخانق نفسنا
عن أي سكة تفتحلنا
لكن أنا فتحت طاقة نور
بصيت لقتنى يا أنا
خارج الصندوق
-------------------- ايمان محمود
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور