بكرا جى بلم هشام عوني

بكرا جى
========= عونى هشام
الدنيا اسيه كتير عالحى
م الفجر يسرح لاخر ضى
شايل همومه كتير وياه
ويعدى يوم التانى اهو جى
-----------------
الدنيا اسيه مارحمت حد
والعيشه صعبه فاقت الحد
واحنا لا حول ولا قوه
وكل يوم بنقول الغد
--------------------
الدنيا اسيه علينا كتير
ياريتنى كنت انا مثل الطير
ساكن فى عش بكام عود قش
ورزق بكرا على الله جى
---------------------
الدنيا اسيه وكاسها مرار
وعقلى فيها والله احتار
فكرت انا وتاه تفكيرى
مالقيت صديق اسأله ولا خى
-----------------------
دايما دموعى على خدى
والدنيا تاخد ما بتدى
فى يوم وزيرها زى غفير
ساعة قضاه بيقول انا جى
------------------
الدنيا اسية على الغلبان
عايش فى رعب ما عنده امان
ساكن فى حاره او زقه
والبلطجيه ماليه الحى
----------------
يا دنيا نفسى افرح وارتاح
بلاش تزيدى ف قلبى جراح
اجيلك انتى تعاندينى
مارحمتى ميت فيكى ولا حى
---------------
ومهما كانت فيكى اسوه
بايمانى اكون فيكى الاُسوه
هازرع واخضر ارضى البور
واروى بسواقى ف اول ضى
---------------
والليل هايجى مع الاخوه
تفرح عيالنا مع النسوه
نسهر ونلعب نتسلى
مع ناس كتير من اهل الحى
يا دنيا والله بكرا اهو جى
=============
#عونى_هشام