أسئلة
شعر رمضان السيد
أسئلة
كل اللى بينا مجرد أسئلة
وهوانا لسه في الاوله
تتبدل الاحلام باهات
الكلام يصبح أمر م السكات
و حكايتنا تنتهى زى
أي حكاية من الحكايات
تحتوينا الحيرة
و تموتنا الظروف
يصبح كل اللى بينا
مجرد خوف
غنوة شوق وحيرة و قلق
قصة هوانا تنتهى على الورق
تصبح بركان هلاك
و نتوه سوا يجمعنا الهوى
يدوبنا وجع الحروف
و تطول ما بينا الأسئلة
محتاجة منك أجوبة
حبنا ليه يضيع
من بين أيدينا
نمشى سكة فراق
تلهب بنار الشوق عينينا
الوفا ليه ينتهى و يضيع
فى أحزان المدينة
و ليه كمان ضاع الأمان
ضي القمر ليه انكسر
لحظة ما بأن
و الحب ليه نبضه
انتحر و صبح هوان
ليه تنسينا الدموع
و القلب مشتاق للرجوع
و تطول ما بينا الأسئلة
محتاجة منك أجوبة
شعر
رمضان السيد
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور