حرُوف الوَجَعْ
كَتَبنَا حرُوف الوجَع
رَسمنا معانى الجُوع
القلب يامَا اتوَجَعْ
يصَرخ بين الضُلوع
ماعرِفنَا طَعْم الشَبع
تُوهنَا وِسط الجُمُوع
وكتَمنَا لحظة فَزَعْ
سكَنت قلبنا الموجُوع
الفَرْح ليه اتمَنَع ؟
والضحك ليه ممنُوع ؟
د ا مات فِينا الجدَعْ
وانطّفَت كُلّ الشمُوع
إحسَاسْنَا حتَّى اتخَدَعْ
ولبِسنَا تُوب الخضُوع
الجرح فِينا ساكِن
عِشْنَا بضَمِير مخدُوع
كَتَمْنَا وكَتَمْنَا ...لكن
فَضحتنَا بَرْضُو الدُمُوع
بقلم / سيد عبدالوهاب
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور