جايبلك م البحر اغاني
اغاني جميله وعجباني
وبترقص ف البر التاني
مش عايز قلبك ينساني
-------
جيبالك م البحر ....
يا جمالك وانتي معدية
ع البحر والموجه عفيه
أنا قلبي بيرقص حواليا
وعيونك ولا تسأل فيا
--------
جايبلك م البحر ....
خوديني ف حضنك خليني
أتملي ف وشك يا عيوني
يتواصل قلبك مع قلبي
ويضمك ويقول ضميني
-------
جايبلك م البحر ....
من همسك يا رحيق الجنة
تتعطر روحي وتتهني
تسحرني عيونك وتاخدني
من قلبي للدنيا التانية
-------
جايبلك م البحر ....
الدنيا التانية المليانه
بالحب بيرقص في هوانا
عصافير بتزقزق حوالينا
والورد اتبسم وندانا
--------
جايبلك م البحر ...
*************
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور