****** كلام حِلو ******
قاللى كلام حلو مِنقى
متعطر بالياسمين ومنَدى
طِلِع من قلبه دخل قلبى
قال كل مناه يطلب ودِى
م .الكسوف إحمَرْ خدى
واحترت ارد عليه إزاى
--------
قاللى كلامى انا ليكى بجَدْ
ياريت مايكونش فى قلبك حَد
ويتوصل بناتنا الوِّد
اتبسمت وعينى فى الارض
واحترت اقول ايه فى الرد
وحسيت قلبى ع.يطير من جوَّاى
--------
قال ما عاوزش مِنِكْ كلام
انا فهمتك يا اغلى غرام
وربنا حققلى الاحلام
ووعد السَعْد نعيش ايام
لافيها زعل ولا فيها خصام
بَسْ امانه تقولى لـ .ابوكى
جايكُمْ ومْعَاى أبوىْ واُمَّاىْ
؛؛؛؛؛؛ سالم ابو العلا محمد ؛؛؛؛؛؛
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور