بعشق فالمحال
زى احتمال
انى بعشق
فالمحال
وانى ساكنه
جزيره وحدى
سماها غيمة
رملها
مسقى بدمعى
والليل طويل
صحيت أوله وآخره
يجى خمسين قلق
حلمت فيه
كم حلم باكى
حلمت اني
هناك بهاتى
هياكل من رماد
مر صوصه جمبي
ماشين معاهم قلبي
وشويه كلام
شعر واغانى الخال
بخيله جواى المشاعر
قفلت كل البيبان
صرخه الم حبه عشم
فالحب وسنين الغرام
وكلام كتير عن حكاوى
السهرانين
ولعت حبه فحم
وكنكه شاى
ولاقتنى وحدى
فى الجزيره
دموع وحيره
حتى الخيال
بقي اولعبان
والشوق جبان
الطيف بعيد
بخلان كمان
والشقشقه
والزقزقه
وضى روحه
بقوا احتمال
زى احتمال
انى بعشق
فالمحال
والحلم كان باكى
مصدقت أن نور
الصبح بان
بقلمى
انتصار السعيد
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور