وشوشات الحلم ///انتصار السعيد

وشوشات الحلم
فى نهارى غروب
وى جرح عنيد وقاسي
اشرب الذكرى
تطبطب عالباقى فالدروب
دمعه هربانه من الجرح
الى علم عالقلوب
والورد عطشان للندى
والحنين بطل يدوب
وايدينا بردانه وحزينه
بس لو لحظه التقينا
يمكن من الأحزان نفوت
يمكن هوانا يعود
مع الفجر الجديد
نمسح احزان الغلابه
يلمحوا ويانا نوره
مع انه شكله بعيد
محتاج لزرقاء اليمامه
تفسره
اصل شيفينو طشاش
شعاع خفيف يغريك
تروحلوا تلاقيه مفيش
والنعش طاير فرحوليه
شالوا الغطا
لقوه رفات
استغربوا
اصله ادفن قبل مايموت
من سنين
وشوشات الحلم
اكيد ليها بقيه
وى حلم جديد
وطرحه ليك يا صبيه
عمر عمرك مايزود فى شيبك
انتى امى
هتفضلى دايما صبيه
انتصار السعيد