مجلة نبرة قلم الأدبية

قطفةشعر.. من(زورق الليل)

الشاعر..جمال خضور..

قَلّا اقعدي حدّْي..

تَ نتذكَّرْ..

أيام من العمر راحت..

وبعدا بالقلب سكَّر..

أيام كنّا صغار..

نلعب بمراجيح..

معلَّقا بهاك الشجر..

وتشوفنا عصافير..

وماتخافنا نكلر..

أيام هاك الولدنة..

شو كنّا نلعب سوىٰ..

مرًات نتخبّا ورا الحيطان..

نخربش صور..

ويضحكوا الجيران..

وَمرات نحكي عَ جنيّات..

مانشوفا وعنّا مخفيّة..

روح ضمّك عَ صدري بحنيّة..

لَ تخافي من العتمة..

ولا تاخدكْ جنيّة..

بتتذكّري الضحكات..

شوحلوةبهاك الصدىٰ..

سرقتها الريح..

وخبّاها المدىٰ..

ولوووووو.. ولو..

ياهالعمرشوكبرنا..

جوّاتنا صغار..

ونسينا ياهالعمرشبْنا..

وبعدا لهلّق.. بتغار..

ولسّا.. تستحي..

كل ماحكّيتها شو صار..

بتقلّي.. حاجي استحي...

ولوووو..ياغندورة..

كانت بوسة..

ولَملَمت دمعة عن خد.ْ..

صغار بهاك العمر كنّا..

ولامنعرف غيراللعب عن جَدّْ..

كبرنا وعملنا من قوس السما..

زنّار..

ملوَّن عَ خصرك ياعمري..

سبعْ ألوان..

وألوان. الدّْني كْلّا تلبقلكْ..

حَدّي بتكوني..وبضَلّْ إشتقلِكْ..

نيسان ورَحْ تبقي العمرْ نيسان..

كبرنا وبعدا الولدنة نحبّا..

ولاتاكلي هَمّْ.. وليش تَ نتخبّا..

قومي لَ نطفي الضّو..

وعَ فراش الْهَنا نغفا..

يمكن حلم الولدني يمرقْ..

ويشوفنا بهاك الهوىٰ نغرق..

وقبل الصبح ما يفتّح عيونوا..

نحبس هالحلم ياغندورة..

ونضلّْ صغار..

ولابقىٰ.. نكبر...

 بقلمي/جمال خضو