عشق الشهاده *** بقلم السيدابوطاحون
*********
دراويش فى حبك
فوق حدود المستحيل بالنية
احنا الندي
فوق خدود الورد ف الفجرية
وفي انتظارسيدنا النبي
يزورنا ف النومة الهنية
وينزل لنا
ساعة السحر رب البرية
ولما نرفع أيدينا للسما ..
ينزل مطر
وأما نتوه ف الصحرا ..
يقابلنا العسل
وانتي اللي ساكنه
ف قلبنا مهما حصل
مع أننا ممكن
يزورنا الموت ..
قبل ما ندوق العسل ! !
********
وبعض الناس تتخبط
تقول ع الحب دا جنازه
شهيد فرحان بيظبط
سلاحه ويزرع اللوزه
ولوزة القطن تتهادي
في عب البنت وتصلي
وقلب الواد و كالعاده
لا عمره يخاف ولا يولي
يصلي الفجر ويخطط
و مسك الدم له عاوزه
*********
تخاف الفكره
ف نخبيها جوانا
وهجر الفجر يرعبنا
يتوه فى الضلمه...
ينسانا
يمد الليل و يتحول
جبال الجهل تتجول وتتغول
يقوم الشعر و يعدد
وزدنا يا سيدنا م الاول
وأنا ابنك
انا ابنك
بتسكر غنوتي ف فمك
تدور الكلمه ع الالحان
تلاقى الورد قام ضمك
انا العاشق انا الولهان
يعذب قلبي ما همك
شهيد واقف على بابك
عشان الفجر والبسمه
*********
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور