لو يقدر الورد يسـرق قلب من شمه
ما تقـدر الشمس تسـرق بارد ظلالي
اخترت درب الظما عن صافي الجمه
والفت صبـري عليه وطـال ترحـالي
ماكـل من يسري بيسري على همه
يا ما سريت الظـلام وخاطري سالي
والبارحه النفـس مخنـوقه ومنغمه
و سرانـي الحزن للـي مر في بالي
اشـوف صـورته بالجـوااااال واضمه
و اودعه و امسـح اللـي له بجـوالي
سـم الجفـااااااا مرجلـه ولا ردا سمه
انا عزمت وجزمت وشفته اشوا لي
اليا متـى والمشـاعر فيـه مهتمـه
سويت كـل شـي لكـن ويش سوا لي
ما عاد اعـرف اتكلـم مع بنـي عمه
لا سولفـوا كـن صورة وجهه قبـالي
اصـد والناس حـول النـاس ملتمه
واتشطر بعيد عنهم واجلس لحالي
كنـي يتيـم فقـد مـن ليلتيـن امه
ولا كريم استحى من جيبه الخالي
اغـص فـي عبـرتـي واضيـع اليمه
و اسج رجلي من الضيقه على فالي
من اول اشـوف السـامي على القمه
والجاي من عمري و مستقبل آمالي
و الحيـن ما عاد يفـرق مدحه و ذمه
مثل ابتسامة رضى في وجيه عذالي
اواسي الجرح يا عالـم واداريه والمه
و اقـول ل الدمع لاتبكي على حالي
لو يستحـي حزني البارح على دمه
ما كـان جابه علـى غفله علـى بالـي.
( جابر العبادي)
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور