.............مربعاتى
للمبدع
================ عونى هشام
مربعاتى اليوم......حروفها فى الهوى
كلمه بكلمه نقول ونحكيها.........سوى
قلبى عندك .......وقلبك انت فيه الدليل
والحب بيداوى الجراح .......فيه الدوا
---------------------------
مربعاتى ........بتحكى قصة حب كان
اللى كان.......... معقول هيرجع عندنا
شكل عنتر زى قيس ...........من زمان
ضاع الزمان...... واحنا ضعنا بِعِنْدنا
----------------------------
مربعاتى بلسانى... .واحساس الفقير
عارف اساه...........واد ايه هو انكوى
حرام كفايه الظلم........امتى له نصير
لو حتى بالنيه........ .....ولكلٍ ما نوى
----------------------------
مربعاتى تحكى ماضى ...ملوش نظير
وتحكى حاضر نقطه سوده فى التاريخ
الدين ياعم مستباح .والفتاوى فيه كتير
واللى عنده عِمه نَصّْب....... نفسه شيخ
----------------------------
مربعاتى ........كتبها جدى شيخ البلد
كان الحديث..... .الكلمه موزونه بدهب
الجلسه كلها باحترام ..المشايخ والعمد
النهارده مفيش كبير ...... ضاع الادب
----------------------------
مربعاتى فيها حكمه .........فيها العبر
فيها قصة شيخ كبير...... عزمه انكسر
فيها هم الدنيا قافل............. كل باب
وفيها شعاع نور .........من ضؤ القمر
----------------------------
مربعاتى فيها قصة ارض حبت شعبها
عشقها موت ......طالب رضاها وودها
منها الشهيد. وف حضنها شفت الوليد
فيه الامل يكبر معاها. يبنى عز مجدها
----------------------------
مربعاتى مربعاتى فيها عمرى سنين حياتى
فيها نجيب محفوظ وطه فيها ثومه وذكرياتى
فيها التاريخ والحضاره...........ويا خساره
فيه بيبنى وفيه بيهدم. وفيه بيسرق أمنياتى
--------------------------------
مربعاتى فيها حب ---لكل طالب امد عُونِى
فارد ايديا تضمكم ......ورمش عينى يظلكم
جانى مينا سبقه جرجس .... ..جم شافونى
حسيت بطعم الحب منكم. وأنا برضه مثلكم
======================
#عونى_هشام.
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور