بأخاف منِك/ بقلم /علاء زايد

( بأخاف منِك )
***********
ساعات كتير بأخاف مِنك
ومن نظرة عينيك ليا
وبأهرب لما تجمعنا
ثوانى فيها حنية
بدور وشى وأدارىَ
ورا ضحكة معدية
ولما إيديكى بتسلم
بأحس بنبضها فى إيدى
بيحكى حاجات ويتكلم
بتبقى عينيكى فضحاكى
عشـــــان خـــــــاطرى
بلاش الحب يفضحنا
ولا العُزال تجرحنا
بلاش يتكلموا علينا
ونبقى حكاوى فى لسانهم
يبيعوا ويشتروا فينا
عشــــان خـــــاطرى
بلاش الحب يفضحنا.
بقلم 

( علاء زايد )