وهفتح كل باب مقفول
تعبنا من نفاق النخبه
كلامهم كله شوك وعقول
انا اللى ليل نهار شغال
وابيت م العرق مبلول
فى عز البرد احرسها
سماها تبوسنى وابوسها
عنبها يطيب وانا عطشان
ما انا الغلبان
مكنها يدور من دمى
وانا داير ومتغمى
نقولو بكره راح تفرج
ويجى بكره يعصرنى
ويعصر عنبى للمساطيل
لو اتكلم يقولى انى ارهابى
وممكن ابقى من داعش
وممكن ابقى ابقى اخوانى ووهابى
انا الشقيان فى نار الشمس
شقوق الارض شقانى
واموت ونفسى ادوق عنبك
وغيرى منه نام مسطول
وانا عطشان وبعانى
تعبت خلاص ونفسى اصرخ
وعزة نفسى منعانى
اة يا زمن مخبول
دراعى كل من فاسى
وعرقى غرق فى انفاسى
سكاتى مش رضا منى
انا عاشق تراب ارضك
وليه يا غاليه با يعانى
وهتفنا كتير يا حرية
وانا ههتف واقول واقول
وحريتنا كلها الغول
ياناس اصحوا بقى وفوقوا
بلانا كنز مليان خير
وصمت العتمه يولد نور
هقول تانى كلام عاقل
الساكت على الطغيان
جبان وشاهد زور
وانا شاعر
وصوتى زى طاقة نور
هقل للغول انك غول
اه يا وطن غالى
كلابك زهقوا من اللحمة
وناس تانية تموت مالفول
منافق سقفولة كتير
وفرشولة حرير احمر
وزفوة بين رايات وطبول
وانا الشقيان ابات صاحى من الاوجاع
واتقلب فى شوك وعاقول
يبات صاحبى فى فندقهم
يبات محروس ببنادقهم
وانا بايت كما المقتول
طهقت خلاص يانخبة غول
وهكشف كل اكاذيبكم
وادعى ربى ما يسيبكوا
وهكشفكم واحد واحد
هنعمل ايه نثور تانى
نموت تانى
لا مشهنموت
ولا هنتخبى بورقة توت
وساعة الجد لوجدت
حسيب الشعب يحاسبكوا
وبالسحتوت
.........................رشاد الدهشورى
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور