مجلة نبرة قلم الأدبية

اللى فات
للمبدعه

ابتسام عوض


اللي فات
واللي عدى
حلم لسه
وحلم مات
يا فروع شجر
بتحكي كتير
عن أغلى بسمة
وفرح عدى
مع ذكريات
حانعيش أمل
ولا يا بكره
حانشكي
شكوه وقلب مات
فات بينا عمر
ولا احنا ناكرين
نصحى ضحكة
وكتير سكات
يا دمعة
نزلت جوه القلوب
مش طالبه صمت
ولا عايزة تبات
وليلنا شاهد
يقول انا
كنت شايف
كتير حاجات
مش نبض قلب
ولا توهة وقفت
تمسح دموعنا
على جرح بات
ينزف ليالي
ويقول خلاص
مين فينا مات
وفي عيونه نبض
بيحكي حكايات
يالحظة عاشت
كتبت حروفها
بحلم فاضل
يسمع لصوته
انا فرح أت
يا طير رفرف
على كل مبنى
وعلى كل مدنى
وصحي في قلوبنا
ضحكة رفضت
تموت ساعات
وقول يا عمر
مش حابقى
خايف
ولا حاضيع
مع ذكريات
حا فضل أعافر
وأمسك لخوفي
أكبر لجام
واعدي فوق بحر
السبات
حانعيش ندور
مين كان حقيقة
والكدبة سألت
مية سؤال
يا نعيش جراحنا
يا نبكي دهر
على اللي فات
بقلمي ابتسام عوض حسن