أنا أزهري/ بقلم /محمد شعبان

( أنا أزهري ))
للشاعر الأديب / محمد شعبان
\_\_\_\_\_\_\_\_\_\_\_\_\_\_
انا أزهري ..
العبد لله أزهري
على عمتي .. فوق عمتي
شايل هموم الناس انا
ومش فنجري..
من كام سنه
وافهمني ...
قصدي متين سنه
كان ليا هالة بتحترم
من مدني كان
أو عسكري ..
م أنا أزهري ..
دستوري قرآن ربنا
سنة نبينا سنتي
ولا عمرهم هيمثلولي
أكل عيش
ولا يهنا للباغي عليهم
فيها عيش
إوعاك يا شيخ ... إوعاك يا شييييخ
تقبل في يوم تبقا الا شيخ
او ترضى تجعل عمتك
كوره في رجل اللي م يسوى
يكون ترابة ف جزمتك
وازعق وقول،
وبعزة يا بني ازعق وقووووول:
أنا أزهري
أنا أزهري