البارحة /بقلم الشاعر مجيد الجميلي

(البارحة)باللهجة العراقية
=============
حنيت وديار الاهل
عنّت علية البارحة
وتراوت لعيني صور
مثل النجوم السارحة
دجلة وشواطيها الخضر
بيها الكواكب سابحة
اكعد واغني اعله الجرف
للجاية لو للرايحة
ياحيف ياديرة هلي
بكل ساعة شدّة و نايحة
ياحيف يل كلج كرم
صاحت عليج الصايحة
شفت ايدج بشوفة حلم
وية الخسيس مصافحة
وايد الخسيس من العفن
تكطر دمانا السايحة
كل المواعيد اصبحت
تذبح احسها وجارحة
ولاندري شنهوالي جرة
ولانية الهم واضحة
ثيران وبساحة حرب
فوك العلف متناطحة
واصواتهم غل وفتن
مثل الكلاب النابحة
ياريته يطلع بس حلم
وترد ليالي البارحة
===========
الشاعر-مجيد الجميلي - العراق