____________________
دفتر التوفير
__________
من قلب الفقر كلامي
وانا أصل الأصل فقيير
بكمل نومي بأحلامي
ونومةالفرشة غير السرير
عمري ما أشتكيت أعوامي
ورضا ربنا عليا يسير
والإيمان نوره قدامي
عايش في القاع المرير
إللي آمر من برشامي
والضحكه علي وشي نور
والنسمة معطره أكمامي
وليا حدود في التفكير
متفرقش معايا ألامي
ولا الخيش من الحرير
طول عمري في أوهامي
مشفش فيران وصراير
اللي بيشاركوني أيامي
وبيشتكوني من التقصير
الأكل على قد الأسامي
ومنين أجيب التبذير
وإللي يفيض من طعامي
أشيله في دفتر التوفير
واللي يسرق حقي حرامي
وحسابه عند ربنا عسير
وعمري ما كنت إنهزامي
واللي عند ربنا كتير
ومخافش إلا من إستسلامي
وعمري ما أكون للظلم أجير
____________________________________
__________ الشاعر حسن الشوان _________
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور