حرف ورد مع الواد الشقى
الشاعر ايمن اسماعيل
.........وعونى هشــــام
============
—�—�— الشاعر ايمن اسماعيل
حاله
—�-
معجون بمية
عفاريت العشق
متعفرت
ساكن كل تفاصيلك
يسكنى العشق
وف لحظه
تلاقينى
بغنيلك
يتعفرت
حرفى
يتنطط
يرسمنى
صوره ف عيونك
لا أنا جنى
ولا ينفع أكون زيه
لكن فى العشق
مفيش منى
يهوى كل تكوينك
أنا الاستاذ
وبتعلم فى كُتابِك
أكون عاشق
درويش وأكون
وبتمسح ف اعتابك
وبإشارة
ألبى الامر
وأجيلك
//////::////::::::/
========
—�—�—�—عونى هشام
انا م الجن
متعفرت
انامخاوى
وانا حاوى
وجوه العشق
بتنطط
انا اللى الست
سابتنى
على الاطلال
وانا اللى
فريد غنانى
فى كام موال
وانا اللى العشق
دوبنى
وسابنى لحالى
متشحطط
انا جنى
لكن عفريت
قلبى يدق
بس حويط
بحر الحب
عندى غويط
ساعات اغرق
وبرضه كتير
بتشعبط
لا انا صوفى
ولا درويش
يكفينى رغيف
م العيش
لكن ف الحب
بتعايق
واكون رايق
راسم عندى
خطوط الطول
لكن بالعرض
اتلغبط
اعيش بالحب
والاشواق
لكن بابعد
عن الاشواك
فنون العشق
اعرفها
وياما اتعلموا
العشاق
حروف الحب
ارسمها
وصعب عليها
تتشخبط
عشان طالعه
بالاحساس
انا عاشق
مابين الناس
يدق القلب
اتلغبط
واتعفرت
انا انسان
مش جنى
لكن مرات
باستعبط
=========
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور