بتحسسني انك مظلوم
للمبدعه
أمل صلاح
بتحسسني انك مظلوم
وان الحق عليَّ بجد
وإنني فارقة معاك بصحيح
وأنت أساوتك ملهاش حد
وإن غيابي يأثر فيك
وإن حبايبك ناقصين فرد
بس إزاي
دا انت تجاربك ما لها حدود
ومعاك صحبة.... فاقت العد
شقرا وسمرا وبيضا وخمري
يعملوا بينا.. ألفين سد
شايف نفسك رشدي أباظة
وان جمالك فوق الحد
لسه فاكرني بقسوة قلبك
وبتضايق. رغم عمايلك
ولا عندي كلمة ولا رد
ظالم وبتستقوى بظلمك
ربك ما بيسيبش لحد
بقلم # أمل صلاح#
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور