مجلة نبرة قلم الأدبية

*شرب العمر بفرد غبّي*

للمبدع

علي شمس الدين

أدّيشْ بدّو الحزن تيروحْ عن قلبي

كرمالْ شوف الفرح نوّر عَتم دربي

غيم القهر ما قِدر يِبعد شهر عني

لسنينْ متل المطر اتجمعو بْقربي/ة

عطشانْ تم القَدر ما بيرتوي مني

شرب العمر فردْ غبِّي ما ترك شربي/ة

كل يومْ بسمع وجع قلبي ألف عني/ة

راح الوقِت وتركني عا ارض غُربي/ة

قضّيتْ إيامْ صايم الدهر إنّي

كل ليلْ افطر على وجبة قسا كربي

اتْمنيت لو شوفْ شي مرة قَمر سِنّي

يِضهر منِ خْيال قدّامي بَعِدْ زربي/ة

وينك صِرتْ بمَجِوتك قولْ طمنِّي

شكلو ولا رح يجي إلا وْانا بتربي/ة

يلا تعا بموتْ أفراحْ القلب هنّي

عمري اندفن بحيا يبكي على حالو

لتنوح دقاتْ قلبي من ألف ضربي/ة

علي شمس الدين

25\5\2017