مجلة نبرة قلم الأدبية

ناس وناس
للمبدع
سيد عبدالوهاب


ناس بِتحاول بَس تعِيش
كُل هدَفها لُقمة عِيش
مَرّه تسافِر مرّه تعافِر
تِعمل إيه والحاله مَفِيش
فاهمين جداً معني الجُوع
كل لُغَتهم بَس دمُوع
مَاشيه معاهم بِالتَلطِيش
عارفين طبعاً  إن قَدرهُم
يصبَحُوا بِين الناس حَرَافِيش

ناس بتعِدّ فلُوس بِالكُوم
كل حياتها أكل ونوم
قاعده تفكّر وتبات تِسهَر
إزّاي بس تقَضِّي اليوم
دَوّر جُوّا كتابهم تِلقَي
مَحذُوف مِنُّه لَفظ همُوم
فاكرين يعني كدا بِفلوسهم
يشترُوا حتّي قَمَر ونجُوم

ناس جُوّاها قلب حنين
ساكن فيه حُب وسمَاحه
ناس تانيه كلامها يبيّن
إن قلوبهم فِيها وَقَاحه
كِلمه مِنّي بكُل صَرَاحه
كُلّ الناس ...مِش مِرتَاحه
بقلم /سيد عبدالوهاب