مجلة نبرة قلم الأدبية

بيني وبينك وعد
للمبدع
ناصر عبدالمقصود


حبيبى بينى وبينك وعــــد
إياك تهــــــــاجر وتسيبنى
مقدرش أبدأ يوم ع البعد
كل الخــــــــلايق تحاربنى
أرجوك حبيبى بلاش تبعد
أوعاك يا عمرى فى يوم تعند
الشمس لـــو غابت عنى
الموت أكيد راح يحاوطنى
نورك يــــا عمرى يكفينى
والكــــــلمة منك تحمينى
ابعت رســـــــايلك دفينى
أوعــــاك تفكــر تحرمنى
سر السعــــادة إنك جنبى
واسأل يا عمرى كمان قلبى
اسمك يا عمرى ما بين صلبى
عمره ما يفكـــــــر يفارقنى
ارجع نكمل حلمنا مع بعضنا
ارجع نكمل حبنا ونعيش هنا
أنت وأنا حكــــــــــاية هَنا
إياك تســــــــافــر وتسبنى
الشاعر / ناصر عبد المقصود