هاعفيكى يا حلوة من التفكير
الحب مـــــــالوش أبـداً تبرير
لو عايزة الحب أنــــــا قدامك
ومفيش داعى كـــــده للتغيير
أتمنى يــا ست النـاس راحتك
اشتقت يا حلوة على صراحتك
والله أنا عمرى ما جــــرحتك
والحـــب فى قلبى د حب كبير
أنا شــــــــــــايف حبك بيعانى
أنا خايف لتكــــــــونى بيعانى
مش عــــايزك تتعبى علشانى
ولا طالب للأحـــــــزان تفسير
الحب د أصـــــــــــــلاً تضحية
منزوع مـــــــــن قلبه الإنانية
أنــــــــــا حاسس إنك هوائية
بتحبى تلاعبى مشاعرى كتير
وأنا أصلاً تعبان م الفُـــــرقة
وفى قلبى لبعدك مية حُــرقة
لو حـاسة إنى بحبك ســـرقة
إزاى هيكــــــون الحب بخير
أرجوكى تحددى أحــــــلامك
وبلاش تترددى فى كلامـــك
وقوليلى يا ست الناس مالك
تعبان م الهـــــم وم التفكير
الشاعر / ناصر عبد المقصود
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور