أنا مش قدك
ياروح الروح روح ريح بالك
نقطة في بحر أنا بالنسبالك
أنا مش قدك .. حد في حدك
داري في وردك مالي في خدك
وفر ردك ... ماهو بيدك
إحمد ربك على ماإدالك
ياللي سحرت عيون بجمالك
لو يوم جيتلك هتزلزلني
وأنا مش قد ياروحي زلزالك
ياما قلوب دابت في هواك
كل مناها كان بس رضاك
أو توصلها بحلو وصالك
بضحكوا لو يوم يضحك سنك
يحزنوا لو يوم هم يهمك
يدعوا يقولوا ياريتنا بدالك
بعد دا كله دوست عليهم
زي مادوست في ناس قبليهم
عيني عليهم جت رجليهم
بعد ماحبوك لاموا نفسيهم
أنا مش قدك أنا مش ندك
ولا يوم أقدر أكون أنا ضدك
سيبني في حالي أعيش في خيالي
عشان في خيالي دايما تصفالي
وأقدر فيه أنا أخطب ودك
يومها راح أقدر أقول أنا قدك
ياللي في عيني محدش قدك
بقلم طارق السيد
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور