أحلام غلبان
ياسلام ع الدنيا لما بتضحك
أو تتبسم للغلبان
فى لحظة كل حياته تتغير
ويقول باى باى للإحزان
يادنيا شكلك كده هتروقي
وترجعي تاني زى زمان
وألاقي السعد بيجري ورايا
بعد ماكنت بدوس ألغام
وموج البحر بدل ماهو عالي
يصبح طفل في حضني ينام
ونجوم الليل في سمايا تلالي
وبدل الإسود أشوف ألوان
وأرضي البور تصبح بستان
تطرح فل وزهر ريحان
وألاقي الجو كمان إحلو
وبدل الأه هقول هأو
والأحلام كلها تتحقق
والعصافير ترجع وتزقزق
وأرجع تاني أنام الليل
واصحى الفجر لما يشقشق
كل دا كله بأمر الله
رب العزة جل علاه
بقلم طارف السيد
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور