ــــــــــــــــــــــــــــــــ
شخلل جيبك
والا الجيب مخروم
م السنة للسنة في انتظارك
ما تعملش فيها مصدوم
يالا ياعم قب بالمعلوم
جنيه أو حته بخمسه
كفاية مش مستحمل همسه
وبقيت ع الحديدة
ماتنساش حته جديدة
زي مابيقولوا تدبح
العصفورة الوليدة
النهاردة العيد
وماجيبتش لبس جديد
وبقالي ع الحال ده
عيد ورا عيد
بس أنت أكيد
حتشخلل جيبك
وحزيد وأعيد
ربي يعمر بيتك
يالا ياعماه
وأنت ياخالاه
مستني قدومكم
أنتم من يومكم
سبب سعادتي
بتملوا محفظتي
في كل عيد
بفلوس أكيد
بس ياخسارة
غابوا الأمارة
بسأل من إيه
قالوا ياويلاه
مافيش فلوس
حظك منحوس
الدنيا واقفة
والحال حضيض
أصبربقي ياننوس
ـــــــــــــــــــــــــــــــــــــــــــــــــ
بقلمي / محمود مسعود ( عامي ) 28/8/2017م
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور