أســــيا / بقلم/عونى هشام

أســــيا
عونى هشام
كتبتك فى الحروف غنوه
جعلتى الغنوه احزانى
وليه الاسوه دى اسيا
وليه الحزن اوطانى

اسمك فى البلاد اسيا
وليه الاسوه عنوانك
اشوف الدنيا ليك عاصيا
تمنع .... وتدى من خانك
يا اسيا الاسوه مش طبعك
انا شفتك ف احلامى
بصوره رسمتها وطابعك
معايا ذكرى ف ايامى
بنات حوا كتير واكتر
وفيهم صوت حيانى
ليه انتى العذاب اكتر
مجنى وانتى هنا جانى
جانى كتير من قبلك
وانا اقابلك ومن تانى
اقول شفت العذاب اسى
وراسى بيومها وجعانى
ليه اختاروا ليك اسيا
دا اسم اساوته المانى
اقول اسيا بقلب ضعيف
وضَعفه نار و كاويانى
يا ناس الرحمه اسامينا
تعيش حاضرنا وماضينا
بلاش نظلم بنى الاتسان
باسم يزيد مأسينا
=========== #عونى_هشام