بحبكِ يا مصــر
للمبدع
رمضان ابو الوفا
بحبكِ حب خلاني
أحب الدنيا وأسامح
وحبكِ طيف كما النسمة
كنسمة بحرنا المالح
وعهد علي يا حبيبة
لأحبكِ بكرة وإمبارح
وأنا ليكي أخاصم
وبيكي تاني أتصالح
ما نيش كداب
ولا إخوان
ولا خوان
ولا نسياي لياليكي
ولا فكرت ف مرة
أهادن يوم مُنافسيكي
ولا وهابي خيبان
أبيع وأشتري فيكي
ولا نصاب مُتأسلم
أنشر فكر بيضركِ
فكر صحراوي متخلف
كل هدفه يوم هدمكِ
ولا لبرالي مُتلعسم
ولا إعلامي مُتفلسف
أحابي حزب مُتعفن
عايش عمره يخزيكي
أنا بلدي أبو الجدعان
وكتفي زاد يكفيكي
وكتفي التاني يرويكي
ودمي عطر يشفيكي
أنا عادد على إيديكي
شطوط الناس مراكبية
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
***********
بحبكِ لقمة على جوعة
بشعرة ملح أبو شطـة
وأنا واقف على سقالتي
ف عزالحر ف الشمسة
وتحت النار
وفوق النار
وف عرقي أزرعكِ وردة
ولجلكِ إنتي أتحمل
ولجلكِ إنتي راح أكمل
وأدوس الدنيا وأشيلكِ
وأخطي بحور وصحاري
وأوصل بيكي مشواري
وأبنيكي على إيدية
وألضم عمرى ف عماري
لحد م توصلي نهايتي
وأسلم إبني لبدايتي
وأقول يا ولدي روح كمل
روح يا إبني شيل حمل
لحد ما توصلي القمة
وإوعي ياحلوة يوم تنسي
عامل عرقه كان شمة
بنا هرمكِ
بنا سدكِ
بنا برجكِ
بنا مجدكِ
حفر قنالكِ وأممها
وربا ولادكِ وعلمها
وكتب جوة أجيالكِ
بدمه كتب إسمكِ
وقلمه كان ف أسنانه
والحبره كان دمه
وأكله كان صبره
وشربه كان فـرحكِ
وإبتسامتكِ بترضيه
وهواكي كان يشفيه
وأخر كل أماله
كان يبنيكي وبهمة
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
***********
بحبكِ رسمة أو كلمة
تعلمني حروف ديني
بحبكِ خطبة أوغنوة
بسماحة وحب تهديني
النقشبندي والشعـراوي
وعبدالباسط والكحلاوي
وربي أمرني أكون وطني
وحبي أترجمه ف عملي
ويبقى حب متأصل
ونابع من تكاويني
ماهوش ياحبيبتي متصنع
ولامغشوش كما سنيني
بحبكِ حب بأرتاح له
ويرتاح لي وبأفتح له
بيبان قلبي ويفتح لي
ببيان خيرك وينده لي
وتطرح فرحتي وردة
وتوب أخضر بيتعطر
ليوم الضحكة والفرحة
ليوم م تبقي مرتاحة
ورحراحة حواليا
ف إيديكى وف إيدية
وأنا يا حبيبتي سهران لكِ
ف بحـرالحب أحسب لكِ
وأصدق لكِ وأكدب لكِ
وأحيلك وأعظملك
ويوم الحرب أكون غول
أدوس الصعب من أجلكِ
ويوم السلم أكون بلسم
ألون ميتكِ حنة
وأنا وولادى وبناتي
نسقيكي الحب حنية
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
***********
بحبكِ بيت علي ترعة
وبطة نازلة بتبلبـط
بحبكِ حب متشعـبط
ف خوص النخل بيغني
وشوية شاي على العتبة
وكل حبايبي حواليا
ف أفراحي يشاركوني
وأحزانى يعزونى
لو أحسن يهنونى
ولوأغلط يحاسبوني
بحبكِ ناس يبكوني
ويبكوا معايا على همي
بحبكِ قد م بحبـكِ
بكل الحب يا أمي
بحبكِ شال وتربيعة
وبنتي الحلوة لبساهم
بضحكة جميلة مُحتشمة
وقصُة لذيذة مع وشمة
وأم بتعلمها الادب
من غيرغرور ولا غضب
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
***********
بحبكِ لعبة ف الفسحة
بحبكِ مريلة وشنطـة
وأبلة جميلة مُبتسمة
ما تفرقشي بين لاولاد
أم واحدة وأب واحد
ورب واحد خلق العباد
غني فقير وزيرغفير
كلنا لادم وأدم من تراب
والام والابلة معـاً
يربوا أجيال البلد
مدرس مهندس طبيب
فنان عالم أديب
بحار وشرطي مؤدب
جندى مُدرب عنيد
عامل صنايعي مخترع
مواطن وحبه شديد
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
************
بحبكِ وردة على عودها
ف صبح أخضر بينده لي
أبوس الوردة في خدودها
وهى تبوسني في خدي
وأشبك إيدي في شوكها
وتطرح شبكتي مهرة
ودمي يروي ف جذورها
وتفرش أرضى بالخضرة
ولما حبنا يكبر
أدبق عمرى وياها
تشيل الحمل جواها
وتطوي الأرض بخطاها
وتلون عينى ف سماها
وتولد تانى ف رباها
شعب جميل ومتبسم
بيضحك مهما يتألم
عالم وبيعلم ف كل الناس
والدنيا منه تتعلم
وبيسلم أمره للـه
وعلى كل الخلق بيسلم
إبن الارض الطاهرة
عيون سمرة رجال حرة
وليها زند متلون
بلون الفحت ف الصخرة
بلون المية والطمية
بلون الورد والحنة
صعيدي ومن قبلي
أشيل الدنيا فوق كتفي
وأعدلها وأبنيها وأعمرها
وعماركِ ندر ف إيدية
شرقاوي ومن بحري
شهم كريم عشري
أزرع لك وأروي لك
وزرعي وطرحي ملاغية
سويسي وبورسعيدي
وإسمعلاوي وبنبوطى
ألضم شبكى ف خيوطى
عايش عمرى ف المية
إسكندراني وبحيري
وعروس البحرعرفاني
دمياطي ورشيدي
وجهازك ناقشه بإيدية
سناوي وعرايشي
وأرضي أفديها بعنية
نوبي وشلاتيني
وبيتي ف أرض مصرية
مصرى أنا المصرى
وشايل عمرى على كفى
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
وأحبك يا مصــر
********
الشاعر / رمضان فؤاد أبو الوفا
للمبدع
رمضان ابو الوفا
بحبكِ حب خلاني
أحب الدنيا وأسامح
وحبكِ طيف كما النسمة
كنسمة بحرنا المالح
وعهد علي يا حبيبة
لأحبكِ بكرة وإمبارح
وأنا ليكي أخاصم
وبيكي تاني أتصالح
ما نيش كداب
ولا إخوان
ولا خوان
ولا نسياي لياليكي
ولا فكرت ف مرة
أهادن يوم مُنافسيكي
ولا وهابي خيبان
أبيع وأشتري فيكي
ولا نصاب مُتأسلم
أنشر فكر بيضركِ
فكر صحراوي متخلف
كل هدفه يوم هدمكِ
ولا لبرالي مُتلعسم
ولا إعلامي مُتفلسف
أحابي حزب مُتعفن
عايش عمره يخزيكي
أنا بلدي أبو الجدعان
وكتفي زاد يكفيكي
وكتفي التاني يرويكي
ودمي عطر يشفيكي
أنا عادد على إيديكي
شطوط الناس مراكبية
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
***********
بحبكِ لقمة على جوعة
بشعرة ملح أبو شطـة
وأنا واقف على سقالتي
ف عزالحر ف الشمسة
وتحت النار
وفوق النار
وف عرقي أزرعكِ وردة
ولجلكِ إنتي أتحمل
ولجلكِ إنتي راح أكمل
وأدوس الدنيا وأشيلكِ
وأخطي بحور وصحاري
وأوصل بيكي مشواري
وأبنيكي على إيدية
وألضم عمرى ف عماري
لحد م توصلي نهايتي
وأسلم إبني لبدايتي
وأقول يا ولدي روح كمل
روح يا إبني شيل حمل
لحد ما توصلي القمة
وإوعي ياحلوة يوم تنسي
عامل عرقه كان شمة
بنا هرمكِ
بنا سدكِ
بنا برجكِ
بنا مجدكِ
حفر قنالكِ وأممها
وربا ولادكِ وعلمها
وكتب جوة أجيالكِ
بدمه كتب إسمكِ
وقلمه كان ف أسنانه
والحبره كان دمه
وأكله كان صبره
وشربه كان فـرحكِ
وإبتسامتكِ بترضيه
وهواكي كان يشفيه
وأخر كل أماله
كان يبنيكي وبهمة
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
***********
بحبكِ رسمة أو كلمة
تعلمني حروف ديني
بحبكِ خطبة أوغنوة
بسماحة وحب تهديني
النقشبندي والشعـراوي
وعبدالباسط والكحلاوي
وربي أمرني أكون وطني
وحبي أترجمه ف عملي
ويبقى حب متأصل
ونابع من تكاويني
ماهوش ياحبيبتي متصنع
ولامغشوش كما سنيني
بحبكِ حب بأرتاح له
ويرتاح لي وبأفتح له
بيبان قلبي ويفتح لي
ببيان خيرك وينده لي
وتطرح فرحتي وردة
وتوب أخضر بيتعطر
ليوم الضحكة والفرحة
ليوم م تبقي مرتاحة
ورحراحة حواليا
ف إيديكى وف إيدية
وأنا يا حبيبتي سهران لكِ
ف بحـرالحب أحسب لكِ
وأصدق لكِ وأكدب لكِ
وأحيلك وأعظملك
ويوم الحرب أكون غول
أدوس الصعب من أجلكِ
ويوم السلم أكون بلسم
ألون ميتكِ حنة
وأنا وولادى وبناتي
نسقيكي الحب حنية
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
***********
بحبكِ بيت علي ترعة
وبطة نازلة بتبلبـط
بحبكِ حب متشعـبط
ف خوص النخل بيغني
وشوية شاي على العتبة
وكل حبايبي حواليا
ف أفراحي يشاركوني
وأحزانى يعزونى
لو أحسن يهنونى
ولوأغلط يحاسبوني
بحبكِ ناس يبكوني
ويبكوا معايا على همي
بحبكِ قد م بحبـكِ
بكل الحب يا أمي
بحبكِ شال وتربيعة
وبنتي الحلوة لبساهم
بضحكة جميلة مُحتشمة
وقصُة لذيذة مع وشمة
وأم بتعلمها الادب
من غيرغرور ولا غضب
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
***********
بحبكِ لعبة ف الفسحة
بحبكِ مريلة وشنطـة
وأبلة جميلة مُبتسمة
ما تفرقشي بين لاولاد
أم واحدة وأب واحد
ورب واحد خلق العباد
غني فقير وزيرغفير
كلنا لادم وأدم من تراب
والام والابلة معـاً
يربوا أجيال البلد
مدرس مهندس طبيب
فنان عالم أديب
بحار وشرطي مؤدب
جندى مُدرب عنيد
عامل صنايعي مخترع
مواطن وحبه شديد
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
************
بحبكِ وردة على عودها
ف صبح أخضر بينده لي
أبوس الوردة في خدودها
وهى تبوسني في خدي
وأشبك إيدي في شوكها
وتطرح شبكتي مهرة
ودمي يروي ف جذورها
وتفرش أرضى بالخضرة
ولما حبنا يكبر
أدبق عمرى وياها
تشيل الحمل جواها
وتطوي الأرض بخطاها
وتلون عينى ف سماها
وتولد تانى ف رباها
شعب جميل ومتبسم
بيضحك مهما يتألم
عالم وبيعلم ف كل الناس
والدنيا منه تتعلم
وبيسلم أمره للـه
وعلى كل الخلق بيسلم
إبن الارض الطاهرة
عيون سمرة رجال حرة
وليها زند متلون
بلون الفحت ف الصخرة
بلون المية والطمية
بلون الورد والحنة
صعيدي ومن قبلي
أشيل الدنيا فوق كتفي
وأعدلها وأبنيها وأعمرها
وعماركِ ندر ف إيدية
شرقاوي ومن بحري
شهم كريم عشري
أزرع لك وأروي لك
وزرعي وطرحي ملاغية
سويسي وبورسعيدي
وإسمعلاوي وبنبوطى
ألضم شبكى ف خيوطى
عايش عمرى ف المية
إسكندراني وبحيري
وعروس البحرعرفاني
دمياطي ورشيدي
وجهازك ناقشه بإيدية
سناوي وعرايشي
وأرضي أفديها بعنية
نوبي وشلاتيني
وبيتي ف أرض مصرية
مصرى أنا المصرى
وشايل عمرى على كفى
أنا فاكر
أنا عارف
حدودكِ مية ف المية
أنا واقف
أنا حارس
حدود الود بعنية
أنا فارس
أنا شاهـر
وسيفي لوحده بالمية
وأحبك يا مصــر
********
الشاعر / رمضان فؤاد أبو الوفا
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور