======== عونى هشام
يا هاله قوليلى فين ارضك
انا ف عرضك
دا صوتك هز فى كيانى
حروفى ومركبى ف شطك
شافت خطك
عزفت برسمه الحانى
حلمت انى اطول ودك
ومين ادك
ومين ف الحب كان جانى
انا جانى كتير قبلك
لكن قلبك
سحرنى بكل وجدانى
يا هاله
يا هاله قوليلى مين انتى
وفين انتى
ياريتك عارفه عنوانى
عيونك مرسى لسفينتى
حضنك راحتى وسكينتى
وانا عايم ف اشجانى
تاخدنى موجه ورا موجه
وقلبك شدنى ف هوجه
غرقت وانتى ليه عومتى
تعالى ف مركبى نرجع
لاعمرى ولا انتى يوم نركع
لا خنت ولا انتى يوم خنتى
يهون الصعب علشانك
دا قلبى ما عمره يوم هانك
وروحى تهون وما هنتى
عشان الحب بينا كبير
لا فَرّْق بين غنى وفقير
وقلبى حب بس انتى
يا هاله
========
#عونى_هشام
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور