ياخساره
زَاد علينا الغَلَا
قُولُولنا إيه العمَل
وتُوهنا وسط الخَلا
ومات فِينا الأمل
جِراب صبرى اتمَلَى
والدنيا صبحت مَلل
الحب غلَبُه البَلا
ومعنى العزيمه اتقتل
ماتت فينا النفوس
يلعن أبوها فلوس
قليل الأصل ماشى
عَ الطيّبين بِيدُوس
ومهما نجمع مال
ماعدش راحة بال
القرش يذّل صاحبه
يكسر ضهر الرجال
يارب صَحّى فِينا
ضميرنا ابن الّلذِينَ
خلّيه يصحى يفُوق
دا نُومه كتير أَذِينا
الناس ماشيه سُكَارىٰ
أصحاب قلوب حَيارىٰ
لسّه الدمع ف عنيهم
لسّه اليأس مَاليهم
ياخساره ومِيت خساره
بقلم/ سيد عبدالوهاب
ليست هناك تعليقات:
إرسال تعليق
شكراً لكم مع تحياتنا القلبية بعبق الزهور